A Leia chi ci Leia - Eric et Jeff Mattei

CAPI CORSU

Una strada mi porta

In un scornu fatatu

Sognu di una volta

Tal’un ghjuvellu datu

Trà e torre guardiane

È u monte appaciatu

Sò e sponde isulane

Di Cirnu immaculatu.

Sboccu per Capi Corsu

‘Ssu locu di dulcezza

Duve u celu ascolta

È u ventu accarezza

I paesi tesori

Cun tutta a so ghjente

Sanu sparghje i culori

D’una manu accugliente.

Quandu stu sole d’oru

Sposa u mare d’argentu

O quantu m’innamoru

Di stu caru mumentu.

Sboccu per Capi Corsu

‘Ssu locu di dulcezza

Duve u celu ascolta

È u ventu accarezza

Ci rispiru i prufumi

Fatti di dolce sale

Mi tracarcu di lumi

È di fiure reale.

M’hà purtatu sta strada

Mez’à scogli divini,

Una machja incantata

È eterni spulvini.

Sboccu per Capi Corsu

‘Ssu locu di dulcezza

Duve u celu ascolta

È u ventu accarezza

Sboccu per Capi Corsu

‘Ssu locu di dulcezza

Duve u celu ascolta

È u ventu accarezza

Autore: Limongi Christophe

Cumpositore: Mattei Eric

PASTORI CELESTI

Da chì a terra hè terra, da chì u mare hè mare

Incù e nostre bande, emu sulcatu e sarre.

Simu fatti di toni, è di fole è tundere

Cunniscimu i segni, rituali è preghere.

Pastori celesti     Pastori celesti

Simu fatti di terra, di celu è di mare

Simu fatti di storia è tante mani care

Pastori celesti

Ascultemu l’albori à l’andà di e stagioni

Per tesse un locu d’oru à e generazioni

Simu fatti di canti, è di stelle è spartere.

Cunniscimu l’impegni, orazioni è lumere.

Pastori celesti     Pastori celesti

Simu fatti di terra, di celu è di mare

Simu fatti di storia è tante mani care

Pastori celesti

Cun solchi per dumane è sogni per l’avvene

Aprimu e nostre mani per un mondu à ritene

Simu fatti di voi, eppo di tramandere

Cunniscimu i cenni, è di sole e spere

Pastori celesti     Pastori celesti

Simu fatti di terra, di celu è di mare

Simu fatti di storia è tante mani care

Pastori celesti     Pastori celesti   Pastori celesti

Autori : Limongi Christophe è Ugolini Joseph

Cumpositore : Mattei Eric

I GHJORNI CUSI

Ci sò di i ghjorni cusì

T’arrizzi è ùn poi capì

Ciò chì u celu hà da prevede

Eppò ciò ch’ellu hà da succede

Quandu s’invita l’indecisu

Per ritruvà u to surrisu

Cun a chitara per cumpagna

Si u to core quì si lagna

Ripigliu :

Allora cantu cantu cantu

Allora cantu à più pudè

Allora cantu cantu cantu

Senza mancu sapè perchè

Ma eo cantu cantu cantu

È cusì cantu à più pudè

È cusì cantu cantu cantu

Unì u cantu da mè à tè

Ci sò di i ghjorni cusì

Duve u sole ùn sà più dì

Da locu chjaru à locu scuru

Da passu incertu à u sicuru

Quandu s’imbroglia l’orizonte

Per esse quì è per fà fronte

Cun a chitara sempre in manu

Si u to core hè urfaniu

Ripigliu

Ci sò di i ghjorni cusì

Induve vogliu dì di sì

À quella via chì s’apre

Cum’è un basgiu à le to labbre

Quandu a stonda vene cara

Incù i mei, a mo chitara,

Cun mille rasgi ingiru à mè

Unì u cantu da mè à tè

Ripigliu

Autori: Limongi Christophe / Mattei Eric

Cumpositore: Mattei Eric

A leia chi ci leia

Un amore si sveglia

Un mughju universale

Una leia criatura

Ch’ùn si pò taglià

‘Ssu sguardu infinitu

Chì franc’ ogni muntagna

Chì tocca a mo alma

Ùn si pò spiegà

Hè a leia chì ci leia

A leia chì ci leia

Prime stonde di scola

E risate in caffè

E cantate d’estate

Ùn si pò stampà

Ricordi incantati

U m’amore per tè

A mo zitellina

Ùn si pò strappà.

Hè a leia chì ci leia

A leia chì ci leia

Possu circà in lu mondu sanu

È viaghjà per l’universu

Cum’è un principe senza reame

Ùn si pò truvà

Ste parulle ufferte

Stu focu è sta fiara

Un surrisu per sole

Leia eternità

Hè a leia chì ci leia

A leia chì ci leia

Leia eternità

Autore: Mattei Jean-François

Cumpositore: Mattei Jean-François

Avia messu i mo sogni

Avia messu i mo sogni
Ind’una terra, un’isulella
Chì sott’à spechji azurogni
Mi si venia ancu più bella.
Un’isulella, un paradisu
Diamante amante è amatu
In mare soiu, un surrisu
Cum‘è un fiore appena natu

Avia messu i mo sogni
In un paese, una bandera
In sti reami patrimonii
In stu tesoru cum’ell’era.
E so muntagne smeraldine
Nidi di spazii favulosi
I s’orizonti senza fine
Per dì innò à l’estri chjosi.

Avia messu i mo sogni
Ind’è un populu è omi
Privi da scherzi anticogni
Ma di valori colmi colmi.
In st’unità ch’ùn si tradisce
Segnu di pace à mez’à l’ore
St’umanità chì arricchisce
È ogni mente è ogni core.

Avia messu i mo sogni
Ind’è prumesse, ind’è idee
Chì mi parianu bisogni
Ma mancu ùn eranu meie
Eppo u ventu scatenatu
Di ciò chì nasce urdinariu
Torna appenuccia s’hè pisatu
Per scopre un simbulu cuntrariu.

Avia messu i mo sogni
In ciò chì mi paria ghjustu
Dopu à notturni matrimonii
Paria u mo ricordu, frustu
Induve hè chì l’avia messi
Sti sogni d’alta giuventù
Scalati sò ghjorni scumessi
È avà ùn li trovu più.

Ind’è u mondu niscentria
Nentr’à u focu universale
Aghju fighjatu a crucivia
Eppo ritrovu u mo fanale.
Sò l’irreali testimogni
Chì sanu dì quant’è tù scrivi
Per insignammi ch’i mo sogni
Sò è seranu sempre vivi.

Autore: Limongi Christophe

Cumpositore: Mattei Eric

Isule picce

U destinu hà pichjatu

Cum’una riturnella, un sonniu abbandunatu

E battaglie cruciate

Un’isula surella, chì campa à lu so latu

Monte Santu chì chjama

Un versu di spartera

San Petrone si lagna

Pienghje a so bandera

Sardegna per cumpagna

Cum’un soffiu legeru, in terra di tercanu

Sempre manu ind’a manu

Cù listesse tribbiere, puntelli isulani

Campidano chì canta

À sguassà ne l’offesa

Monte Cintu à a manca

Piglia a so difesa

E so strade intricciate

Una storia ribella, guerrieri o paisani

Un viaghju accuppiatu

L’isule in paghjelle, chì preganu i danni

Monte Spada à l’albore

Chì cura e so muntagne

À Paglia Orba in core

Pè l’ultimu veranu

Hè scrittu ‘ssu viaghju

Ogni stonda chì corre, da dicembre o di maghju

Un destinu liatu

Sumena a so storia, è ferm cum’un fiatu

È lu Monte Arcosu

Chì soffia à a cima

À lu Monte Renosu

A so più bella rima

Autore: Cosimi Letizia

Cumpositore: Mattei Eric